Imeandikwa na Mwandishi wa BBC.

	Rais Obama ameshauri Afrika iwajibike na mstakabali wake

Bwana Obama pia ameambia bunge la Ghana kwamba utawala bora ni muhimu sana kwa maendeleo.

Amesema Afrika inakabiliwa na changamoto nyingi sana, lakini akaongeza kuwa Marekani italisaidia bara hilo.

Ikiwa ilichaguliwa kwa ajili ya ziara ya Rais Obama kwa kuwa ni mfano bora wa demokrasia barani Afrika.

Rais huyo wa Marekani amesema enzi ya ukoloni ilikuza mizozo katika bara la Afrika, lakini akaongeza kuwa nchi za magharibi sio za kulaumiwa kwa kuporomoka kwa uchumi wa Zimbabwe , kwa vita vya wenyewe kwa wenyewe vinavyoshirikisha watoto sehemu mbali mbali barani Afrika.

Alisifu ufanisi wa Ghana wa utawala bora na ukuaji wa uchumi , akisema ingawa hatua hiyo haijakuwa ya kusisimua kama vita vya kuikomboa Ghana kutoka utawala wa ukoloni, lakini ni muhimu sana.

Hotuba ya Rais Obama kwa Afrika imezingatia maeneo manne muhimu kwa Afrika : demokrasia, fursa za kujiendeleza , afya na kusuluhisha mizozo kwa amani.

Rais Obama alizungumzia mwanzo mpya kwa kwa bara la Afrika.

Alisema mstakabali wa bara hilo una Waafrika wenyewe .

Barack Obama aligusia ndoto za viongozi wa Afrika waliopigania Uhuru , ambazo mara nyingi hazikutimia , lakini akaelezea matumaini yake kwamba hali sasa inabadilika katika bara hilo.

Aliisifu Ghana kwa ufanisi wake katika utawala wa kidemokrasia, lakini akasisitiza kuwa kinachofanyika kati ya uchaguzi mmoja na ule mwingine ni muhimu sana.

Ametoa wito wa kumalizika kwa ufisadi na utawala wa kidhalimu.

Rais Obama amesema bara la Afrika halihitaji watu wenye nguvu, badala yake linahitaji taasisi zilizoimarika.

Alisema ni jukumu la kizazi cha vijana kuwawajibisha viongozi.