BBC Swahili

Mwanzo > Michezo

Semenya hana la kusema

Facebook Twitter Google+
11 Agosti 2012 19:51
Caster Semenya

Caster Semenya aliikosa medali ya dhahabu katika mbio za mita 800 siku ya Jumamosi mjini London, baada ya kushindwa na Mrusi Mariya Savinova, ambaye alijiongezea medali zaidi, akiwa tayari ndiye bingwa wa mashindano ya riadha ya dunia.

Semenya, mwanariadha mwenye umri wa miaka 21 kutoka Afrika Kusini, na ambaye alifuzu kuingia fainali kwa kuandikisha muda wa kasi zaidi, alijaribu kutimka kwa kasi ya juu sana katika hatua chache za mwisho, lakini akawa tayari amechelewa kumpita Savinova, na ilimbidi aridhike na medali ya fedha kwa kumaliza katika nafasi ya pili.

Inaelekea hali ya ushindani wa Semenya imekuwa mara nzuri, mara mbaya, tangu shirikisho la riadha ulimwenguni, IAAF, kumsitisha asishiriki katika mashindano ya riadha, na huku likifanya uchunguzi wa jinsia, tangu alipoibuka bingwa wa mashindano ya riadha ya dunia mwaka 2009.

Bingwa mtetezi kutoka Kenya, Pamela Jelimo, hakuwa na lake katika mashindano hayo ya Jumamosi, kwani alimaliza katika nafasi ya nne, na alipitwa hatua za mwisho na Mrusi Ekaterina Poistogova, ambaye aliondoka na medali ya shaba kwa kumaliza katika nafasi ya tatu.

Alamisha hii

Email Facebook Google+ Twitter