BBC navigation

Nigeria:Jeshi lasema liko ngangari

Imebadilishwa: 18 Februari, 2014 - Saa 08:45 GMT

Wanajeshi wa Nigeria vitani na Boko Haram

Jeshi la Nigeria limesema kuwa litaendelea na harakati zake dhidi ya kundi la wapiganaji wa kiisilamu la Boko Haram licha ya kundi hilo kufanya mashambulizi mabaya dhidi ya raia wasio na hatia siku ya Jumatatu katika jimbo la Borno.

Kwa mujibu wa taarifa kutoka katika jimbo la Borno, wapiganaji hao waliwaua watu 105 akiwemo nyanya mmoja aliyekuwa anajaribu kumlinda mjukuu wake kutokana na mashambulizi.

Boko Haram pia waliwaua wanajeshi 9 wiki jana.

Jeshi linasema kuwa magaidi hao ambao hulenga kijiji baada kingine na kufanya mashambulizi ya kuvizia, ni wale wanaotoroka mashambulizi ya majeshi katika maficho yao mpakani mwa nchi hiyo na nchi jirani.

Majeshi yanasemekana kuongeza kasi ya mashambulizi ya angani na ardhini dhidi ya Boko Haram katika maficho yao ya misituni na maeneo yaliyoathirika na sehemu zingine za nchi Kaskazini Mashariki ambako Boko Haram wanajificha.

Jeshi limesema katika taarifa yao kuwa Majeshi ya usalama yataendelea kutumia nguvu kadri ya uwezo wao kuhakikisha kuwa operesheni yao dhidi ya magaidi hao inafanikiwa.

Wakati huohuo wanajeshi wanadhibiti ilinzi wa maeneo ambayo yanakabiliwa na tisho la mashambulizi pamoja na kutumia vifaa vya elektroniki kudhibiti usalama.

Wanajeshi wamefanikiwa kuwakamata baadhi ya washukiwa wa mauaji ya hivi karibuni na kupokonywa silaha huku wakisubiri hukumu.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.