BBC navigation

Uvutaji sigara waharamishwa Lagos

Imebadilishwa: 22 Januari, 2014 - Saa 07:50 GMT

Marufuku ya kuvuta sigara mjini Lagos

Wabunge mjini Lagos, wamepitisha sheria inayoharamisha uvutaji sigara katika maeneo ya umma, ikiwemo mikahawani na katika maeneo ya usafiri wa umma.

Wale watakaopatikana na hatia ya kupuuza onyo hilo, huenda wakatozwa faini ya dola 62 au kufungwa jela miezi mitatu

Mswada huo unaharamisha uvutaji sigara mbele ya watoto na watakaopatikana na hatia watatozwa faini ya dola 94 au kuhukumiwa jela mwezi mmoja.

Mji wa Lagos tayari umewapiga marufuku madereva wa magari ya usafiri wa umma kuvuta sigara wakati wakiendesha magari, ili kuimarisha usalama barabarani.

Lagos ni moja ya miji mikubwa Afrika huku idadi ya watu ikitarajiwa kuongezeka hadi watu milioni 12 ifikapo mwaka 2015 kwa mujibu wa Umoja wa Mataifa.

Lakini maafisa wa mji huo wanasema kuna watu milioni 21 mjini humo.

Mswada wa Marufuku ya uvutaji sigara mjini Lagos, utakuwa sheria pindi utakapotiwa saini na gavana wa jimbo hilo, Babatunde Fashola.

Mwandishi wa BBC mjini Lagos Tomi Oladipo, anasema kuwa tayari uvutaji sigara umeharamishwa na serikali kuu lakini utekelzwaji wa sheria ni dhaifu sana.

Mjini Lagos uvutaji sigara hufanyika sana katika baa, mikahawa na vilabu.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.