BBC navigation

Waandamanaji Bangkok 'kutimua' serikali

Imebadilishwa: 13 Januari, 2014 - Saa 11:16 GMT

Wananchi wanataka kumuondoa mamlakani Waziri mkuu Yingluck Shinawatra

Waandamanaji nchini Thailand wameanza kuweka vizuizi barabarani katika baadhi ya maeneo ya mji mkuu Bangkok, katika harakati za kuiangusha serikali kabla ya kufanyika kwa uchaguzi wa Februari Pili mwaka huu.

Waandamanaji hao wanaweka vizuizi na kudhibiti makutano ya barabara muhimu mjini humo.

Serikali imesambaza polisi na askari 18,000 ili kulinda hali ya utulivu.

Waandamanji hao ambao walianza kampeni yao mwezi Novemba mwaka jana, wanataka kuiondoa serikali ya waziri mkuu Yingluck Shinawatra na kuliweka "baraza la wananchi" lisilochaguliwa.

Wanasema Bi Yingluck ni wakala wa kaka yake, waziri mkuu wa zamani wa Thailand Thaksin Shinawatra, ambaye aliondolewa madarakani na jeshi mwaka 2006 na kwa sasa anaishi uhamishoni.

Waandamanaji wanashutumu sera za vyama washirika wa Thaksin, kwamba zimeharibu demokrasia nchini humo.

Vyama washirika wa Thaksin vinaungwa mkono kwa kiasi kikubwa na wapiga kura kutoka maeneo ya vijijini na vimeshinda mara nne katika uchaguzi uliopita. Chama kikuu cha upinzani kwa sasa kinagomea uchaguzi wa Februari Pili.

Jumapili usiku, mtu mwenye silaha ambaye hakutambulika aliwashambulia waandamanaji katika eneo la maandamano, na kumuua mtu mmoja.

Polisi wanasema mtu huyo mwenye silaha pia alifyatua risasi kuelekea katika makao makuu ya chama cha upinzani, japo hakuna taarifa za vifo.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.