Wapiganaji Mali wapata pigo

  • 31 Januari 2013
Ndege za jeshi la Ufaransa ambazo zimekuwa zikitumiwa kupambana na wapiganaji hao

Waziri wa ulinzi wa Ufaransa , Jean-Yves Le Drian, amesema wiki tatu za mashambulizi dhidi ya wapiganaji wa kiisilamu, zimewaacha wapiganaji hao wakiwa wametawanyika wasijue la kufanya.

Bwana Le Drien alisema wapiganaji hao wametoroka Mali wakati wengine wakitorokea maeneo ya milimani baada ya kushindwa vita.

Lakini alisema kuwa vita dhidi ya wapiganaji hao walioteka maeneo ya Kaskazini mwa Mali, bado vitaendelea na kwamba anaelewa athari kwa jeshi bado zitajitokeza.

Aidha Bw Le Drian ameunga mkono pendekezo la kutuma majeshi ya umoja wa mataifa nchini Mali na pia kuitikia wito wa majeshi hayo kuunga mkono juhudi za Ufaransa.

Wapiganaji wa kiisilamu mjini Gao

Amesema kuwa majeshi hayo yatakuwa na jukumu muhimu kuliko majeshi ya jumuiya ya nchi za magharibi ambayo yametumwa mali kwa kuwa yataweza kufuatilia maswala ya haki za binadam.

Ikiwa mpango kama huu utaidhinishwa, wanajeshi wa Ufaransa pamoja na wale wa mataifa ya Afrika ambayo yanahudumu nchini Mali yatashirikishwa.