Serikali kuzungumza na wapiganaji Mali

Imebadilishwa: 5 Disemba, 2012 - Saa 06:54 GMT

Wapiganaji wa Tuareg wameteka kaskazini mwa Mali

Serikali ya Mali imekubali kushiriki katika mazungumzo na wapiganaji wa Tuareg pamoja na waasi wenye itikadi kali za dini ya kiislamu katika jitihada za kuiunganisha upya nchi hiyo.

Baada ya kukutana na maafisa wa serikali , makundi ya upinzani yaliahidi kuheshimu hadhi ya kieneo ya Mali na kupinga ugaidi.

Wapiganaji wa Tuareg na wanamgambo wenye itikadi kali za dini ya kiislamu walidhibiti sehemu kubwa za Kaskazini mwa Mali baada ya mapinduzi yaliyofanyika mnamo mwezi Machi.

Mazungumzo hayo yaliyopendekezwa hayatojumuisha makundi mengine mawili yaliyojihami ambayo serikali inasema yanajumuisha wapiganaji wa nje wa Al Qaeda katika eneo la Magharibi mwa Afrika na MUJAO.

Serikali za kikanda hivi karibuni ziliidhinisha mipango ya kutuma zaidi ya wanajeshi elfu tatu Kaskazini mwa Mali punde tu watakapo pata idhini ya Umoja wa mataifa.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.