Sudan yatangaza uadui na Sudan Kusini

Imebadilishwa: 17 Aprili, 2012 - Saa 04:47 GMT


Bunge la Sudan limepiga kura na kuitangaza Sudan Kusini kuwa adui wa nchi hiyo, ni baada ya majeshi ya Sudan Kusini wiki iliyopita kutwaa eneo lenye utajiri mkubwa wa mafuta.

majeshi ya Sudan kusini yakagua hasara

Spika wa bunge la Sudan, amesema nchi yake itatumia kila raslimali iliyonayo kupambana na Sudan Kusini.

Shambulio la Jumanne wiki iliyopita katika eneo la mafuta la Heglig, lenye umuhimu mkubwa kwa uchumi wa Sudan Khartoum, limesababisha kufungwa kwa shughuli za uzalishaji wa mafuta.

Afisa wa Sudan katika ubalozi wa Sudan mjini London, Dr Kalid Mubarak, ameiambia BBC kuwa sio nchi yake pekee inayolaani vitendo vya Sudan Kusini.

Afisa huyo anasema jamii yote ya kimataifa inailaumu Sudan Kusini kwa uchokozi wake.

Sudan kusini imekuwa ikiilaumu Sudan kwa kushambulia maeneo yake.

Mwandishi wa BBC aliye Khartoum James Copnall anasema kuwa kufuatia tangazo hilo kuna hatari ya nchi hizo mbili kuingia katika vita.

Hatua ya bunge la Sudan ya kupiga kura ya kuitangaza Sudan Kusini kama adui inakuja wakati msemaji wa umoja wa mataifa akithibitisha kuwa ndege za Sudan zimekuwa zikishambulia kambi za maaskari wa kulinda amani zilizoko maeno ya Sudan Kusini.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.