BBC navigation

Baraza lakubaliana kuhusu Syria

Imebadilishwa: 14 Aprili, 2012 - Saa 15:10 GMT


Baraza la Usalama la Umoja wa Mataifa limeamua kutuma ujumbe wa mwanzo kwenda Syria, kusimamia makubaliano ya kusitisha mapigano yaliyoanza Alkhamisi.

Baraza la Usalama la Umoja wa Mataifa likijadili Syria

Baraza hilo piya limelaani ukiukaji wa haki za kibinaadamu unaofanywa na wanajeshi wa Syria, na maovu yanayofanywa na yale yaliyoitwa makundi yenye silaha.

Lakini wakati baraza hilo lilipoanza kikao, makubaliano ya kusitisha mapigano yanayoungwa mkono na Umoja wa Mataifa, yalikuwa yanaonekana karibu kuvunjika.

Inaarifiwa wanajeshi wa serikali wamepiga mizinga mitaa miwili ya mji wa Homs, wa tatu kwa ukubwa.

Wanaharakati wanasema watu 17 waliuwawa.

Piya kuna taarifa kuwa watu kadha walipigwa risasi na kuuwawa kwenye mazishi katika mji wa Aleppo, kaskazini mwa nchi, wakati wanajeshi walipofyatua risasi.

Televisheni ya taifa imewalaumu waasi kuwa walifanya hayo.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.