BBC navigation

Taliban yazungumza na serikali Pakistan

Imebadilishwa: 10 Disemba, 2011 - Saa 16:43 GMT

Naibu kamanda wa Taliban nchini Pakistan anasema kuwa mazungumzo yanafanywa baina ya kundi lake na serikali ya Pakistan.

Mpiganaji wa Taliban, Pakistan

Hadi sasa wakuu hawakusema kitu.

Kikundi cha Taliban Pakistan ni tawi la wapiganaji linalolaumiwa kwa mashambulio yaliyouwa watu Pakistan.

Taarifa kuhusu mazungumzo zimekuwako kwa muda.

Sasa taarifa hizo zimethibitishwa na naibu kamanda wa tawi la Taliban nchini Pakistan, Maulvi Faqir Mohammad.

Amesema kuwa mazungumzo hasa yanafanywa katika eneo la kabila la Bajaur, kwenye mpaka na Afghanistan.

Alisema mazungumzo hayo yana muelekeo mzuri, na kwamba wapiganaji wa Taliban 145 wameachiliwa huru ili kuonesha nia njema.

Wapiganaji kwa upande wao, wameahidi kusitisha mapigano.

Naibu kamanda huyo alisema, endapo makubaliano ya amani yatatiwa saini huko Bajaur, basi mikataba itafuata katika maeneo mengine.

Siku za nyuma mazungumzo yaligeuka kuwa nafasi kwa wapiganaji kujizatiti na kujihami zaidi.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.