Biden aunga mkono Uturuki kuhusu Syria

Imebadilishwa: 3 Disemba, 2011 - Saa 15:03 GMT

Makamo wa rais wa Marekani, Joe Biden, anasema kuwa serikali ya Syria inasababisha mtafaruku katika eneo hilo, ambao unaweza kuchochea fujo kati ya madhehebu.

Joe Biden na Rais Abullah Gul wa Uturuki

Kwa mujibu wa afisa mmoja wa Marekani, Bwana Biden alisema hayo katika mkutano wa jana na Rais Abdullah Gul wa Uturuki.

Akihojiwa na gazeti la Uturuki, Hurriyet, hapo jana, Bwana Biden alitoa wito kwa Rais wa Syria, Bashar al-Assad, aondoke madarakani, ili utawala ukabidhiwe kwa viongozi wengine kwa amani.

Amesema Marekani iko pamoja na Uturuki katika ule aliosema ni wito unaozidi kupaa, kumsihi Rais Assad wa Syria ajiuzulu.

Shirika la Umoja wa Mataifa la Haki za Kibinaadamu, limeishutumu Syria kwamba imevunja haki sana katika kukandamiza maandamano, na limeutaka Umoja wa Mataifa uchukue hatua zifaazo.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.