Antibiotiga oo laga digay

Daawooyinka antibiotiga ee lagu daaweeyo cuduro badan.

Iyagoo ku qorayaaya warbixin wargayska caafimaadka ee Lancet, ayaa qabiirada caafimaadka ay ku baaqeen in caalamka uu si aan horay u dhicin isaga kaashado ka hortaga qatarta adkaysiga daawada antibiotiga.

Waxaa iskaashigaas ka mid ah in la yareeyo daawada antibiotiga ee dadka bukaanka la siiyo markii la daawaynaayo, iyo in la dhiiri galiyo shirkadaha daawooyinka inay soo saaraan daawooyin cusub.

Waxay ka digeen in hadii Antibiotic la waayo in laga bilaabo daawaynta qaliinka fudud, ilaa daawaynta kansarka ay adkaan doonto.

Waxay kaloo ka digeen, dhimashada jeermiska ee waddamada soo koraya inay ku soo noqoto heerkii horaantii qarnigii labaatanaad, iyo in qarashka caafimaadka uu aad u kordhi doono.