BBC navigation

Dadka badbaaday "way baahan yihiin"

Markii u dambaysay ee la cusboonaysiiyay: 13 Novermber, 2013, 10:13 GMT 13:13 SGA
Philippine

Dadka ka badbaaday duufaanta oo kor marayo burburka guryaha

Dadka ka badbaaday duufaantii ku dhufatay Filibiin ayaa la sheegayaa inay "aad ugu baahan yihiin" cunto iyo biyo.

Waxaa la sheegayaa in haatan ay dadku galayaan meel kasta oo cunto ay ka heli karaan.

Sideed ruux ayaa dhimatay iyadoo dadkii badbaaday qaarkood ay isku dayayeen inay cunto ka boobaan meel bakhaar ah.

Boqolaal ruux

Boqolaal ruux ayaa ku yaacay bakhaarkan ku yaalla meel dibedda ka ah magaalada Tacloban.

Dadka dhintay waxaa ku soo dumay derbiga bakhaarkaas kaddib markii ay jiireen boqolaal ruux oo doonayay inay helaan waxay cunaan.

Mudanaha Aqalka Kongres-ka ee laga soo doorto degaankaas ayaa sheegay in nidaam darrada ka jirto magaalada ay caqabad ku tahay dadaallada lagu doonayo in gargaar lagu gaarsiiyo dadka.

Philippine

Dadka badbaaday oo gargaar sugayo

Martin Romualdez ayaa sheegay in degaannada ku wareegsan magaalada Tacloban ay haatan noqdeen kuwa gebi ahaanba dhulka la siman.

Khasaaraha dhabta ah

Weli waxaan si cad loo xadidin khasaaraha ka dhashay duufaantan dhowr maalmood ka hor ku dhufatay Filibiin.

Madaxweynaha dalkaas, Benigno Aquino, ayaa sheegay in dowaladiisa ay weli isku dayayso in ay xadiddo tirada dadka ku dhintay duufaanta Haiyan.

Waxa uu sheegay in tirada hordhaca ahayd ee tobanka kun oo ruux ay tahay mid aad u sarayso.

Xiriirrada macnaha ka dhexeeya

Wararka la xiriira

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.