BBC navigation

UN oo soo dhaweysay go'aanka Puntland

Markii u dambaysay ee la cusboonaysiiyay: 15 Luulyo, 2013, 13:38 GMT 16:38 SGA
Faroole

Madaxweynaha Puntland ayaa dib u dhigay doorashooyinkii degaanka.

Qaramada Midoobay ayaa soo dhaweysay go'aanka Puntland ay dib ugu dhigaty doorashooyinka degaanka kaddib iskahorimaadyo ka dhacay halkaas.

Wakiilka Xoghaya Guud ee Qaramada Midoobay ee Soomaaliya Nicholas Kay ayaa ku tilmaamay go'aankii Puntland mid geesinimo leh.

Tallabadan ayaa ka dambaysay rabshada ka dhacay degaanno ka tirsan Puntland oo dhowr ruux ay ku dhinteen.

Nicholas Kay ay ku booriyey dhinacyada siyaasadda ee Puntland inay fursadan uga faa'iidaystaan sidii ay u wada shaqayn lahaayeen si loo xaqiijiyo nidaam Dimuquraadi ah oo huwan nabadgelyo.

Madaxweynaha Puntland Cabadiraxman Sheikh Maxamad Faroole ayaa sheegay, in doorashada oo lagu waday in ay dhacdo maanta oo isniin ah, dib loo dhigay.

Puntland ayaa dhowr bilood ka hor gashay hanaanka xisbiyada badan, waxaana la filayay in doorashadan degaanka ay billaw u noqoto dhaqangelinta hanaanka xisbiyada badan.

Wararka la xiriira

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.