Dad lagu xirxiray magaalada Kismaayo

Markii u dambaysay ee la cusboonaysiiyay: 1 Novermber, 2012, 11:43 GMT 14:43 SGA

Ammaanka magaalada ayaa xumaaday tan iyo markii al-Shabaab laga saaray Kismaayo

Wararka ka imanaya magaalada Kismaayo ayaa sheegaya in magaalada ay uu ka dhacay hawlgalkii ugu balaarnaa ee dhinaca ammaanka tan iyo markii laga qabsaday magaalada al-Shabaab.

Afhayeenka Jabhadda Raskamboni, Cabdinaasir Seeraar oo BBC la hadlay ayaa waxa uu sheegay in ilaa Afar boqol oo qof la xiray, oo looga shakisan yahay inay ka tirsan yihiin al-Shabaab.

Dadka la xiray ayaa laga qabtay jidadka iyo qaar guryahooda laga xiray.

Afhayeenku waxa uu sheegay in bandow ay magaalada ku soo rogeen.

Isgaarsiinta magaalada ay saaka xirnayd, waxaa kale oo saameyn ku timid ganacsiga iyo goobihii waxbarashada ee magaalada.

Amaanka magaalada Kismaayo ayaa sii xumaanayay tan iyo intii ay qabsadeen magaalada Ciidanka Kenya iyo maliishiyaad taageersan dowladda Soomaaliya.

Wararka la xiriira

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.