BBC navigation

UNICEF: Dhimashada ayaa hoos u dhacday

Markii u dambaysay ee la cusboonaysiiyay: 13 September, 2012, 11:12 GMT 14:12 SGA

UNICEF waxa ay sheegeysaa in ay hoos u dhacday dhimashada carruurta adduunka

Hey'adda sanduuqa badbaadada carruurta ee Qaramada Midoobay UNICEF, ayaa sheegtay in ay si weyn hoos ugu dhacday tirada dhimashada carruurta labaatankii sano ee u dambeeyay.

UNICEF waxa ay sheegtay in hoos u dhacan qeyb ahaan uu ka yimid, barnaamijyo si wanaagsan loo maareeyay oo gargaarka dibedda ah, kuwaasi oo ay ka mid yihiin tallaal raqiis ah iyo aqoonta caafimaadka.

Kobcinta dhaqaalaha, kor u qaadidda heerka nolosha dadka ayaa sidoo kale yareysay dhimashada carruurta.
Peter Smerdon oo ka tirsan UNICEF ayaa BBC u sheegay in ujeedadu ay tahay sidii loo xaqiijin lahaa in dhimashada carruurta yaryar ay sii yaraato weliba tiro sidaa kasii xooggan.

Waxaa lagu qiyaasey sanadkii 2011 in 6.9 milyan oo caruur ka yar shan sano ay dhinteen sanadkaasi, waxaana ay taasi ka yartahay 12 milyan sanadkii 1990.

Dalalka saboolka ah oo ay ka mid tahay Soomaaliya ayaa ka mid ah goobaha ay sida weyn ugu dhintaan carruurta da'doodu yar tahay cuduro laga daweyn karay.

Wararka la xiriira

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.