Daawada lagula tacaalo HIV
Guddi khubaro ah oo la taliya dowladda Mareykanka ayaa isku raacay daawo dadka caafimaadka qaba la siinayo si looga dhowro in ay qaadaan HIV.
Waa markii ugu horreysay oo ay sidan yeelaan.
Daawadan oo la yiraahdo Truvada waxaa la siinayaa dadka khatarta ugu jira in ay qaadaan xanuun sida ragga isla seexda iyo qofka xaaskiisa ama seygeedu uu qabo HIV.
Tijaabooyin ayaa muujiyay in Truvada ay dhimi karto khatarta qaadista cudurka boqolkiiba 90.
Laakiin khubrada qaar waxay leeyihiin khatar ayay u leedahay caafimaadka.
Daawadan waxaa hadda loo isticmaalaa in lagu daaweeyo dadka qaba HIV.
Laakiin hadda hey'adda dowladda u qaabbilsan ansixinta daawada, ayaa laga sugayaa in si rasmi ah u oggolaato in daawadan ay qaataan dad bed qaba.
Dalka Mareykanka, konton kun oo ruux ayaa sannad kasta laga helaa cudurka.
~RS~a~RS~somali~RS~q~RS~part=last~RS~z~RS~31~RS~){kind=small}
