Dowladda oo Guddi magacawday la xaajooda Somaliland

Markii u dambaysay ee la cusboonaysiiyay: 14 Abriil, 2012, 18:05 GMT 21:05 SGA


Madaxwaynaha dowladda ku meelgaarka ah ee Soomaaliya, ayaa maanta magaalada Muqdisho kaga dhawaaqay guddi heer wasiir ah oo la xaajooda Somaliland.

Madaxwaynaha, ayaa shaaciyay warkan ka hor intii uusan u dhoofin magaalada Addis Ababa ee dalka Ethiopia.

Waxaa guddigan hogaaminaya wasiirka arrimaha gudaha iyo amniga. Cabdisamad Macalin Maxamuud, waxaana uu ka kooban yahay ilaa shan wasiir oo lagu soo dhisay 4.5.

Wasiirka ayaa sheegay in aysan jirin ilaa hadda meel u calaamadaysan in shirku uu ka dhaco.

Dhinaca kale madaxweynaha Somaliland Axmed Maxamed Maxamuud Siilaanyo ayaa ka hadlay guddiga wasiirada ah ee ka qaybgala wadaxaajoodka Soomaaliya iyo Somaliiland.

Madaxwayne Siilaanyo ayaa ka hadlayay maanta shirka golaha dhexe ee xisbiga Kulmiye yuu ku yeeshay magaalada Hargeisa.

Madaxwayne Siilaanyo, ayaa sheegay in shirku uu ka dhacayo magaalada London, isagoo ku tilmaamay mid guul u ah Somaliland.

Shirkii London, ayaa go'aanada ka soo baxay waxaa ka mid ahaa in Somalia iyo Somaliland ay ka wadahadlaan aayahooda iyo jiritaanka Somaliland.

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.