Madaxweyne Obama waxaa uu ka wal-walsanyahay Barbnaamijka Nukliyarka ee Iran
Madaxweynaha Maraykanka Barack Obama ayaa sheegay in Israel ay xaq u leedahay inay ka wal-washo barnaamijka Nukliyarka ee Iran .
Waraysi uu siiyay Telefishinka NBC ayuu Obama ku sheegay in uu aaminsanyahay in Israel aysan weli go'an ka gaarin sidii ay uga jawaabi lahayd walaaca ay ka qabto barnaamijka Nukliyarka Iran.
Mr Obama ayaa sheegay in Israel ay sida Maraykanka aaminsan tahay in la joojiyo barnaamika nukliyarka ee Iran. Wuxuu sheegay in Maraykanka qorshihiisu uu yahay in xaalada lagu xalliyo si diblomaasiyadeed, laakiin wuxuu sheegay in tallaabo kasta oo lagu joojin karo barnaamijka Nukliyarka ee Iran la qaadi doono.
Obama ayaa sheegay in Israel iyo Maraykanka ay ka wada shaqeynayaan sidii loo hubin lahaa in Iran aysan gaarin meel ay ku soo saari karto hubka Nukliyarka.
~RS~a~RS~somali~RS~q~RS~part=last~RS~z~RS~02~RS~){kind=small}
