Qarax lala beegsaday ciidan Itoobiyaan ah

Markii u dambaysay ee la cusboonaysiiyay: 1 Febraayo, 2012, 15:38 GMT 18:38 SGA
Ciidan Itoobiyaan ah

Ciidan Itoobiyaan ah ayaa qarax lagula beegsaday Beled Weyne

Magaalada Beledweyne ee gobolka Hiiraan ee dalka Somalia, kolonyo ciidamo Ethiopian ah oo dhex marayay magaalada ayaa waxaa lala beegsadey qarax miino.

Qaraxan ayaa ahaa miino meelaha fog laga hago oo ciidamadan lala beegsadey xilli ay marayeen nawaaxiga buundada koowaad ee magaalada.

Wararku waxay sheegayaan in qaraxa kadib ay ciidamada Ethiopia rasaas fureen, halkaasina ay ka dhacdey dhimashada ilaa dhowr qof oo rayid ah.

Xarakada Al-Shabab ayaa sheegtey inay fulisey weerarkaasi, isla markaana ay dishey lix askari oo ka tirsan ciidamada Ethiopia.

Ciidamada Itoobiya ayaa dabayaqadii bishii hore ee December qabsaday magaalada Beled Weyne, qof rayid oo diiday in magaciisa la sheegana waxaa uu BBC u sheegay in xilliyada subaxdii iyo galabti wadada weyn ee magaalada isku xirta la xiro. Wadadaasi ayaa ay xilliyadaasi adeegsadaan ciidanka Itobiyaanka oo waxyaabaha aas aasiga ka soo qaata magaalada.

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.