Qaar ka mid ah calamada Midowga Yurub
Wasiirada dhaqaalaha ee labada waddan ee ugu horreeya dhaqaalaha Africa ayaa dhaleeceeyay Midowga Yurub inay ku guuldareysteen inay joojiyaan dhibaatada deynta ee heysata dalalka eurozone.
Wareysi uu siiyay BBC ayaa wasiirka dhaqaalaha ee Koonfur Afrika Pravin Gordhan iyo dhiggiisa dalka Nigeria, Ngozi Okonjo-Iweala, ayaa labaduba waxa ay sheegeen in dhibaatada lacagta iyo qiimaha cuntada ee kor u kacay ay khatar ku hayaan koboca dhaqaalaha Afrika.
Mr Gordhan waxa uu sheegay in dhibaatada dhaqaale ee heysata Yurub inay hoos u dhigtay ganacsiga, isla markaana ay abuurtay walaac suuqyada caalamka.
Mrs Okonjo-Iweala ayaa iyana sheegtay in dalalka horumaray inay cashar ka baran karaan dalalka soo koraya sida loo maamulo deynta iyo koboca.
~RS~a~RS~somali~RS~q~RS~part=last~RS~z~RS~54~RS~){kind=small}
