23 Oktoobar, 2011, 08:54 GMT 11:54 SGA

Mareykanka oo ka digaya weerarro ka dhaca Nairobi

Ciidamada Kenya waxa ay galeen Soomaaliya toddobaadkii hore

Safaaradda Mareykanka ee ku taal Nairobi ayaa ka digtay wax ay ku tilmaantay halis weerarro ku soo fool leh Kenya, oo ay suurtagal tahay in lagu qaado dadka ajnabiga ah.

Hadalkan ayaa soo baxay toddobaad kadib markii ciidamada militeriga Kenya ay gudaha u galeen Soomaaliya, iyaga oo sheegay inay wadaan hawlgal ay kula dagaallamayaan al-Shabaab.

Safaaradda Mareykanku waxay sheegtay inay suurtagal tahay in weerarro aargoosi ah in lala bartilmaameedsan karo meelaha muhiimka ah ee Kenya iyo goobaha dadka ajnabiga ah lagu yaqaan inay isugu yimaadaan, sida dukaamada waaweyn iyo meelaha lagu caweeyo.

Hawlgalka milteri ee Kenya ayaa waxa uu ka danbeeyay markii dhawr qof laga afduubay gudaha Kenya, kuwaasi oo Nairobi ay ku eedeeysay kooxda Islaamiga ee al-Shabaab.

al-Shabaab waa ay beennisay inay wax lug ah ku leedahay afduubka dadkaasi ajnabiga ah.

BBC navigation

BBC © 2014 BBC mas'uul kama aha waxa ku qoran boggaga aan BBC ahayn.

Boggan waxaa sida ugu wanaagsan loogu daalacan karaa qaab waqtiga la socda iyadoo la adeegsanayo waraaqaha qaabaysan ee (CSS). Adigoo awoodi doona in aadqaabka aad hadda isticmaalayso ku aragto bogga waxa ku qoran, hadana si buuxda ma kuugu muuqan doono. fadlan ka fakar in aad badasho barnaamijkaaga wax baaridda (browser) ama in aad kordhiso awoodda waraaqaha qaabaynta ee (CSS) hadii aad sidaa yeeli karto.