|
Sarkaal dilay 13 askari
|
||||||||||||||||||||||||||||||||||||||||||||||||||||||||||||||||||||||
Sarkaal ka tirsan ciidamada Maraykanka, ayaa rasaas ku furay askar ay wada joogeen saldhig military oo ku yaalla gobolka Texas.
Waxaa uu dilay ilaa 13 askar, iyadoo uu dhaawacay in ka badan sodon kale. Toogashada ayaa ka dhacday saldhigga ciidamada ee Fort Hood, oo ka mid ah saldhigyada military ee ugu waawayn adduunka. Sarkaalka oo military-gu ay magaciisa shaaciyeen, ayaa la yiraahdaa Nidal Malik Hassan, oo lagu tilmaamay in aqoon u lahaa caafimaadka maskaxda. Waxaa wararku sheegayaa in sarkaalkaas uu dhaawac yahay oo hadda uu ku jiro isbitaal, iyadoo ay horay u soo baxayeen in la toogtay, laakiin wararkii u danbeeyay waxay sheegayaan in uu isagu xabbad isku dhuftay. Warar aan la cadaynin ayaa sheegayay in la damacsanaa in uu ka mid noqdo ciidamo loo dirayo dalka Iraq. Saldhigga Fort Hood, waxaa lagu tababaray oo ka baxay ciidamado ay ka mid yihiin kuwii ka qaybgalay dagaalkii Vietnam, iyo sidoo kale inta badan ciidamadii tagay dalka Soomaaliya 1992-dii. |
QODOBADA WARKA UGU HOREEYA
|
||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||