|
Cabdullaahi iyo Cadde oo jooga Djibouti
|
|||||||||||||||||||||||||||||||||||||||||||||||||||||||||||||||||||||||||
Madaxweynaha dawladda KMG ah ee Somalia C/abdullaahi Yusuf Axmed iyo Madaxweynaha maamul goboleedka Puntland ayaa maanta ka
degay caasimadda dalka Djabuti ka dib martiqaad sida la sheegay ay ka heleen Madaxweynaha Djibouti.
Labada Masuul ayaa waxaa la socday xubno ka tirsan barlamaanka dawladda KMG ah ee Somalia, safiirka Somalia u fadhiya Addis ababa, iyo wasiirka ganacsiga Puntland. Socdaalka wafdigan ayaa u muuqda mid degdeg ah oo aan horay loo sii shaacin waxaana magaalada Garowe ka qaaday dayuurad khaas ah. Inkasta oo aan faahfaahin laga bixin safarka deg degga ah ee labada Madaxweyne ayaa haddana waxaa la filayaa in ujeeddada socdaalkoodu yahay wadahadal la xiriira heshiiskii dhowaan lagu saxiixay magaalada Djibouti ee dhexmaray dawladda iyo mucaaradka. Dhinaca kalana safarkani wuxuu ku soo beegmay iyadoo habeenkii xalay ahaa uu maamul goboleedka Puntland soo saaray hadal kulul
oo uu ku diiddan yahay gebi ahaanba heshiiskii Djabuti. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||