 |
|
|
|
|
|
|
||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||
~RS~a~RS~Somali~RS~q~RS~~RS~z~RS~13~RS~){kind=small}
|
IGAD oo u hanjabtay madaxda Somalia
|
|||||||||||||||||||||||||||||||||||||||||||||||||||||||||||||||||||||||||
Wasiiradda arrimaha dibeda ee urur goboleedka IGAD ayaa ku go'aan saday kulan ay ku yeesheen waddanka Ethiopia in lagu soo
rogo cunaqabateyn, kuwo ay ku tilmaameen inay caqabad ku yihiin nabadda waddanka Somalia.
Magacyo ma aysan sheegin wasiiradu, laakiin weriyayaashu waxa ay sheegayaan in cunaqabteynta si cad loola dan leeyahay in Madaxweynaha KMG ah ee Somalia Abdullahi Yusuf uu heshiis deg deg ah kala gaaro ra'iisul wasaaraha golaha cusub ee wasiirada. Qoraal laga soo saaray shirka golaha wasiiradda ayaa loogu digay hogaamiyayaasha Somalia in haddii ay ku guuldareystaan inay dhexdooda heshiiyaan, in lagu soo rogi doono cunaqabateyn dhinacyada safarada, taageerada la siiyo iyo hantida u taala wadamada IGAD. Sidoo kale waxaa wasiiradu uga digeen in dowladda looga tagi doono inay wajahaan qatar kaga soo fool leh kooxaha Islaamiga ee kacdoonka wada, iyagoo aan taageero ka heli doonin IGAD. Dowladda Kenya ayaa iyana balan qaaday inay ciidamo u soo diri doonto Somalia. Shirkii ugu danbeeyay ee urur-goboleedka IGAD ay ku yeesheen magaalada Nairobi dabayaaqadii bishii la soo dhafay, waxay ay u qabteen madaxwayne Cabdullahi Yuusuf iyo raiisul wasaarihiisa Nuur Xasan Xuseen (Nur Cadde), in ay muddo laba toddobaad gudahood ah ay heshiis uga gaadhaan xukuumadda cusub. Labadii toddobaad wakhtigoodi waa la soo dhaafay, wax dawlad ahna laguma heshiinin. Waxna lagama qabanin sidii loo dhisi lahaa maamul qaab wanaagsan loo agaasimay oo loo sameeyo caasimadda Somalia ee Muqdisho. Safarrada madaxda DKMG Labada nin ee udub-dhaxaadka u ah arrintan, madaxwaynaha & raiisul wasaaraha xaataa midkoodna waddanka-ba ma joogo. Madaxwayne Abdullahi yusuf, waxa uu aaday wadanka Liibiya. Raiisul wasaare Nuur Cadena, waxa uu joogaa magaalda Nairobi oo ay ku suganyihiin qayb baladhan oo ka tirsan paarlamaanka KMG ah ee somaliya. Labada ninba toddobaadkii hore waxa ay ku sugnaayeen magaalada Addis Ababa, laakiin culays kasta oo uga yimid dawladda Ethiopia, ma suurta galin in ay wax isla oggolaadaan . Wixii intaas ka danbeyana, waxa ay wakhti badan ku bixiyeen sidii uu mid waliba midka kale ka cabashadiisa ugu sheegi lahaa qof kasta oo daneynaya in uu dhagaysto. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||||
Warbixinta IGAD
Madaxwaynaha oo Muqdisho ku laabtay
