|
Indha-Cadde oo eedeeyey Sh. Shariif
|
|||||||||||||||||||||||||||||||||||||||||||||||||||||||||||||||||||||||||
Sh. Yusuf Indhacadde ayaa ku sifeeyey hagardaamo hadalkii Sh. Shariif oo ahaa in ciidanka Ethiopia ay Beledweyne kaga baxeen
heshiis ay la gaareen Isbaheysiga Dibu-Xoreynta.
Sh. Indhacadde, oo ah xoghayaha difaaca ee Isbaheysiga mucaaradka ah, ayaa sheegtay in ciidankiisu ay xoog ku saareen kuwa Ethiopia, oo ay awood sheegteen, kaddib markii sida uu sheegtay ay u muujiyeen cudud millatari oo aysan ciidanka Ethipia u babac dhigi karin. Wuxuu Indhacadde yiri: "Shariif been buu arrintaas ka sheegay. Runtiina hagardaamada iyo dhibaatada uu umadda Soomaaliyeed u geysanaayo qeyb kamid ah waaye. Ilaahey ha uga toobad keeno ayaan leeyahay arrintaas," ayuu yiri. Indhacadde ayaa shir jaraa'id ku qabtay magaalada Muqdisho. Isagoo wareysi siinaya BBC-da, ayuu sheegay inuu isagu goobjoog u ahaa dagaalka ka dhacay magaalada Beledweyne. Wuxuu sheegay in ciidankiisu ay galeen diyaar garow fara badan, iyo inuu argagax badan galay Alle galiyey ciidanka Ethiopia, iyo waliba in ciidankiisu ay yihiin kuwa aan ka cabsaneyn geerida. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||