 |
|
| Nigel Brennan waxaa lala afduubay Amanda Lindhout |
Laba wareyi oo u dhashay dalalka Australia iyo Canada Nigel Brennan iyo Amanda Lindhout oo sabtidii la waayay ayaa mas'uuliyiinta
Somalia ay xaqiijiyeen in la afduubay.
Afhayeenka dowladda KMG ah ee Somalia Cabdi xaaji Goobdoon, ayaa u sheegay wakaaladda wararka ee AFP in uu aaminsan yahay
in labadaasi wariye la afduubay laakiin aanay ogeyn meesha ay ku sugan yihiin.
Nigel Brennan, Amanda Lindhout iyo laba qof oo waardiyeynayay iyo qof baabuurka u waday ayaa la afduubay iyagoo marayay inta
u dhaxeysa Muqdisho iyo Afgooye.
Nigel Brennan iyo Amanda Lindhout ayaa ahaa wareyiyaal madax banaan oo u shaqeeya hey'adda warbaahinta ee reer galbeedka,
waxaana xilliga la afduubay ay sawiro ka qaadayeen dadka ka barakacay dagaaladda Muqdisho ee ku sugan inta u dhaxeysa Afgooye
iyo Muqdisho.
|