|
Guddiyada DKMG iyo Isbaheysiga oo shiraya
|
|||||||||||||||||||||||||||||||||||||||||||||||||||||||||||||||||||||||||
Kulamo is-daba joog ah ayaa maalintii labaad Djibouti uga socda guddiyadii amaanka iyo siyaasadda ee dowladda KMG iyo Isbaheysiga
mucaaradka. Irdaha ayaa u xiran shirarka.
Guddiyada ayaa ku mashquulsan sidii ay meel iskula dhigi lahaayeen xagga nabadgelyada iyo siyaasadda. Iyadoo Guddiga Ammaanka ee ka socda dhanka Dowladda KMG ah ay ku jiraan saraakiisha xagga ammaanka ee dowladda, halka Isbaheysigana ay ugu jiraan madax sare. Guddiga siyaasadda ee dhanka DKMG waxaa hoggaaminaya Axmed Cabdisalaam, oo ah ra'iisul wasaare ku xigeen iyo wasiirka warfaafinta. Dhanka Isbaheysigana waxaa u hoggaaminaya Cabdiraxman Cabdishakuur. Arrimaha laga wada hadlayo waxaa kamid ah sidii loo fududeyn lahaa howlaha gargaarka bani'aadannimo, kuwaas oo ciriiri badan galay bilihii ugu dambeeyey, iyadoo waliba dadka barakacay ee sii badanayaan. Haddii aay guddiyadan isku afgartaan wada hadallada u socda, labada dhinac ayaa u duuli doona Sucuudiga, si ay u saxiixaan heshiiskii Djibouti ku gaareen bishii June ee sanadkan. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||