|
Kenya: Hub laga keensaday Somalia
|
|||||||||||||||||||||||||||||||||||||||||||||||||||||||||||||||||||||||||
Dowladda Kenya ayaan ka jawaabin eedeymo ka yimid QM oo ku saabsan hub sharci darro ah oo laga soo iibsaday Muqdisho, loona
isticmaalay rabshadihii doorashooyinka.
Warbixin ay saddex bilood kahor soo saareen ayaa lagu sheegay in dad u dhashay dalka Kenya ay hub fara badan kasoo galiyeen dhanka Soomaaliya, oo aan laheyn dowlad dhexe muddo 18 sano ah. Sida warbixinta ku xusan, hubkan waxaa intiisa badan lasoo galiyey intii ay socdeen rabshadihii ka dhashay doorashooyinkii Kenya, gaar ahaan intii u dhaxeysay bilihii January iyo February ee sanadkan. Hubka waxaa la sheegay in laga soo iibsaday magaalada Muqdisho, lana soo marsiiyey gobolka Soomaalidu ey degto ee Woqooyi Bari. Inkastoo aysan kala caddeyn halka uu hubkaas ku dambeeyo, haddana wuxuu isugu jiray qoryo AK47 ah, bastoolado iyo rasaas. Shixnad kamid ah hubkan waxaa keensaday malleeshiyo ka dagaallanta dalka Kenya. Kenya waxeey Soomaaliya la wadaagtaa soohdin aad u dheer, oo ay adag tahay in la wada ilaaliyo. Kenya ayaa mar walba sheegta in hubka shari darrada ah uu kasoo galo dhanka Soomaaliya. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||