|
Weerar lagu qaaday Gegida Muqdisho
|
|||||||||||||||||||||||||||||||||||||||||||||||||||||||||||||||||||||||||
Saddex qof ayaa ku dhaawacmay madaafiic jawaab u aheyd hoobiyayaal lagu riday gegida dayuuradaha ee Muqdisho, fiidkii Isniinta.
Dhaqdhaqaaqa Al-Shabaab ayaa sheegtay weerarka lagu qaaday garoonka diyaaradaha ee Muqdisho, oo ay gacanta ku hayaan ciidanka AMISOM ee Midowga Africa. Taliyaha ciidanka AMISOM ee Muqdisho, Maj. Gen. Francis Okielo ayaa weerarkaas uga warramay BBC. Wuxuu sheegay in lixidii maqribnimo afar hoobiye oo lagu soo riday garoonka ay ku dhaceen xerada ciidanka. Saddex kamid ah madaafiicdaas ayaa qarxay, midna ma qarxin, sida uu sheegay. Mana jirin cid wax ku noqotay. Taliyaha ayaa iska fogeeyey inay iyagu ka dambeeyaan madaafiicda lagu soo jawaabay ee dadka dhaawacday. Wuxuu sheegay inuu ka shakisan yahay in laga soo riday xaafadda African Village, ama meel u dhow Suuqa Bakaaraha. Kooxaha la dagaallama ciidanka shisheeye iyo kuwa Dowladda KMG ah ayaa meelaha ay bartilmaameedsadaan waxaa kamid ah garoonka Muqdisho. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||