25 Juun, 2008, 19:20 GMT; 22:20 SGA

Safiirka Djibouti ee Golaha Ammaanka

Safiirka Djibouti u fadhiya Qaramada Midoobay, Rooble Colhaye, ayaa BBC-da uga waramay sababaha Golaha Ammaanka ee Qamada Midoobay uu guddi xaqiiqo raadis ah ugu diray xadka dalalka Djibouti iyo Eritrea.

Sida laga warqabo dhowaan ayaa labada dal uu dagaal ku dhexmaray xadka ay wadaagaan kadib markii Djibouti ay ku eedaysay Eritrea in ay ciidamadeeda ku soo xadgudbeen dhulkooda, Eritrea ay eedahaas ka beenisay.

Wuxuu safiirka Djibouti ee QM sheegay in ururo dhowr ah oo soo eegay xaaladda xadka ay xaqiijiyeen doodda ay Djibouti soo bandhigtay ee ku aadanayd in Eritrea ay ku soo gardarootay xadka dalka Djibouti.