|
Wada hadal u furmay dowladda iyo mucaaradka
|
|||||||||||||||||||||||||||||||||||||||||||||||||||||||||||||||||||||||||
Gudiga doorashooyinka ee Somaliland ee magaalada Hargeysa ayaa maanta Gelinkii Danbe, hadal uu ka soo saaray magaalada Hargeysa,
waxaa uu ku sheegay inay uu bilaabmay, wada-hadal u dhexeeya labada xisbi ee mucaaradka ee Kulmiyo iyo Ucid iyo xisbiga talada
haya ee Udub.
Wada hadalada oo ka dhacay xaruunta nabadda iyo horumarinta ayaa waxa war saxaafadeedka lagu sheegay inay xisbi walba uga qeybgaleen saddex xubnood, inkastoo aanan la sheegin magacyada iyo darajada xubnaha wada hadalka uga qeybgalaya xisbiyada iyo dowladda. War saxaafadeedkaasi ka soo baxay guddoomiyaha gudiga doorashada Somaliland ayaa lagu sheegay in maanta la go'aansaday in xisbiyadu ay joojiyaan is eedeeynta iyo hadalada ay saxaafadda isku marinayaan. Maalmihii ugu danbeeyay ayaa waxa Somaliland ka taagnaa xiisad siyaasadeed oo la xiriirta waqtiga sanadka ee loo kordhiyay dowladda Daahir Rayaale oo xisbiyada mucaaradku ay ka soo horjeesteen. Madaxweynaha Somaliland Daahir Rayaale Kaahin iyo labada hogaamiye ee mucaaradka Axmed Maxamed Siilaanyo iyo Faysal Cali Waraabe ayaa waxa ay wareysiyo kala duwan siiyeen BBC, ka dhegayso halkan.
|
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||