|
Q.M. oo rajo wanaagsan muujisay
|
|||||||||||||||||||||||||||||||||||||||||||||||||||||||||||||||||||||||||
Wakiilka gaarka ah ee Q.M. U qaabilsan Somalia Ahmedou Ould Abdallah ayaa waxa uu rajo wanaagsan ka muujiyay wada hadalka
lagu wado in dowladda KMG ah iyo Isbahaysiga Dib u xoreynta uga furmo dalka Djibouti 10-ka bishan May.
Warkan ayaa lagu sheegay hadal saxaafadda loogu tala galay oo ka soo baxay xafiiska siyaasadda u qaabilsan Somalia ee UNPOS. Mr Ould Abdallah waxa uu sheegay inuu ku faraxsan yahay in ay tahay markii ugu horeysay ee kooxaha Soomaalidu ay ku heshiiyeen inay kulmaan iyagoo wata tiro ergooyin xadidan, oo ay meel cayiman iyo waqti ay qabsadaan.
Wakiilku waxa uu intaa ku daray inay tani calaamad cad u tahay in Soomaalidu ay ka go'an tahay inay xushmeeyaan go'aamadoodii, marka ay aaminsan yihiin waxa ay sameynayaan. Waxa uu yiri in nabad la sameeyaa waxa ay ka adagtahay in dagaal la sameeyo. Ahmedou Ould Abdallah waxa uu sheegay in uu aaminsan yahay in Soomaalida, oo ay ku jiraan kuwa qurbaha ku nool ay doonayaan inay ka shaqeeyaan nabadda iyo in nabadgelyo loo helo Somalia. Shirka ay isugu imanayaan dowladda KMG ah ee Somalia iyo mucaaradka ayaa waxa labada dhinac mid walba uga qeybgalaya toddobo xubnood. Wakiilka Q.M. Ee Somalia waxa uu uu mahad celiyay dowladda Djibouti taageerada ay ka geysatay diyaarinta madasha iyo soo dhaweynteeda. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||