|
Ciidamo galay Buloburte iyo Jowhar
|
|||||||||||||||||||||||||||||||||||||||||||||||||||||||||||||||||||||||||
Ciidamo ka tirsan maxkamadihii Islaamiga ee Somalia ayaa waxa ay maanta la waareegeen gacan ku heynta magaalada Buula Burde
ee gobolka Hiiraan.
Ciidamada Maxkamadaha ayaa la sheegay in ay halkaasi la wareegeen iyadoo aan wax dagaal ah ka dhicin, kadib markii ciidamo Ethiopian oo ku sugnaa ay magaalada Buula Burde ay isaga tageen.
Ciidamada Ethiopian-ka ee ka baxay magaalada Buurloburte iyo kuwo kale oo ka yimid magaalada Muqdisho, ayaa iyaguna haatan gaaran magaalada Jowhar ee caasimadda gobolka shabeelaha dhexe.
Ciidamada ka yimid magaalada Muqdisho, ayaa horay u soo maray degmada Balcad oo ciidamo ka tirsan ay todobaadkii ugu dambeeyay ugu yaraan laba jeer galeen.
Ciidamada Ethiopia ee gaaray magaalada Jowhar, ayaan la ogayn in ay sii joogi doonaan Jowhar iyo in kale, iyagoo Jowhar ay beryihii ugu dambeeyay ahayd maamul la'aan kadib markii ciidamada maxkamadaha ay dhowr jeer galeen, kuwii dowladda ku meelgaarka ahna isaga baxeen. |
||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||