Kati Isse BBC London

	Soomaali badan oo ku nool Bariga Africa ayaa ka ganacsata shidaalka

Ganacsiga

Warshadaha fudud oo ay ka shaqeeyaan inta badan dad u dhexeeya 5 qof ilaa 20 qof ayaa u dhexeeya kuwo uu qoys keligiis ka shaqeysto ilaa shaqaale kooban kuwaasoo wax soo saarkooduna uu sarreeyo gaar ahaan waddamada shacabkoodu yar yahay,warshado waawayna aan lahayn sida Soomaaliya oo kale.

Haddaba, warshadahan fudud oo dunida meel kasta laga heli karo, ayaa waxay ugu sii jaban yihiin qaaradda Asia, sida waddama Shiinaha, Indonsia iyo Malaysia, kuwaasoo sicirkooduna uu dhexeeyo toban kun oo dollar ilaa 50,000 oo dollar, qiimahaasoo ay ganacsatada aan lacagta badan haysan ay gadan karaan.

Warshadahan fudud waxaa ka mid ah kuwa biyaha nadiifiya, kuwa oomada iyo saabuunta, kuwa shaambooyinka, baastada, dib u samaynta bacaha la isticmaalay iyo bacyaasha cusubba .

Maanta waxaan barnaamishka ku eegaynaa warshad kuwa noocaas fudud ah oo samaysa shaambada oo ayna ka garab furan tahay mid biyaha nadiifisa.

Magaalada Hargeysa waxaa ka jirta wershad soo saarta Biyaha, Shaambooyada ,iyo noocyo saabuun ah, wersheddaasoo muddo sannad ah hadda jirtay.

Weriyaha BBC-da ee Hargeysa Axmed Saciid Cige ayaa booqday wersheddaasi oo warystay Maareeyaha wershadda Axmed Gaas Cali.

Magaalada Eldoret ee gobolka Rift Valley ee dalka Kenya waxay ka mid tahay goobaha ay dadka Soomaaliyeed ku leeyihiin hawlo kala duwan oo dhinaca ganacsiga ah. Shirkadda la yiraahdo Hashi Empex oo shidaalka u dhoofisa dalalka bariga iyo bartamaha Afrika.

Weriyaha BBC-da Bashkas Jugsoodhacey ayaa dhowaan booqdey xaruunta shirkada ee magaalada Eldoret, waxaana uu halkaasi kula kulmey maareeyaha guud ee shirkadaasi Axmed Cali oo uu ka wareystay hawlaha shirkadaasi.