Dadwaynaha Muqdisho

Waxaa kale oo ay amar ku bixiyeen in ay saxafiyiinta telefishanka al jaziira ay joojiyaan hawshii ay ka hayeen magaalada mogadisho.

Talaabadani waxay soo baxday dhawr maalmood kadib markii ay dawladu xukun degdeg ah ku soo rogtay magaalada mogadisho.

Agaasimaha HornAfrik  meeshii dowladnimo laga sugayay dib loogu noqdo fowdo iyo anigaa qori haysta, taasna waxaan u malaynayaa qof xal ku gaarayaa ma jiro.   Ahmed Abdisalam

Agaasimaha Iddaacada HornAfrik Ahmed Abdisalam, ayaa jawaab ka bixiyay talaabadan ay dawladdu qaadday.

Waxaa uu yiri "dowlad sidaa kuma shaqayn karto, caalamkuna xilli wuxuu joogaa transparent ay tahay, wuxuna hadii cidi qalad gasho, qaladkeeda inta maxkamad iyo la keeno lagala xisaabtano, waxayna runtii horudhac u tahay wixii aan horay u sheegaynay ama dad badan oo Soomaaliyeed ay walwal ka qabeen, oo ah in meeshii dowladnimo laga sugayay dib loogu noqdo fowdo iyo anigaa qori haysta, taasna waxaan u malaynayaa qof xal ku gaarayaa ma jiro."

Afhayeenka dowladda ku meelgaarka, Cabdiraxmaan Nuur Maxamed Diinaari, ayaa difaacay tallaabada ay dowladdu ka qaaday qaar ka mid ah idaacadaha Muqdisho.

"Idaacadahaas iyo telefishinkaas waxay baahinayeen barnaamijyo kicin ah oo ay dadka u gudbinayeen, iyagoo duwayay hadafka laga leeyahay"

Wuxuu si gaar ah u eedeeyay idaacadda HornAfrika oo sheegay in ay si gaar ah ugu bareertay, qaybna ay ka noqotay baahinta warar kicinaaya dadka, iyadoo diyaarisa ayuu yiri dad ay ka dhaadhicisay falal liddi ku ah amniga iyo xasiloonida dalka.