Waxa waraku sheegayaan in dagaaladii Arabacdii ay ku dhinteen lix qof; islamarkaana dad badan ay ku dhaawacmeen. Waxa wararku intaas ku dareen in dad horey u xasiloonaa ay iminka bilaabeen iney ka qaxaan guryahoodii.

Sidoo kale waxa warar kale sheegayaan in maleeshiyooyinka taabicsan Maxakamaduhu ay gacanta ku dhigeen fadhiisimo ay la hayeen maleeshiyooyinka Wasiirka Dhaqan Celinta ee dowlada Federaalka, Bootaan Ciise Caalin oo ka mid ah wasiirada Gadoodey oo iminka la safan Isbaheysiga la dagaalanka argagixisada.

Waxa kale oo wararku sheegayaan in maleeshiyooyinka Maxkamadaha Islaamiga raacsan ay sidoo kale qabsadeen laba fariisimo oo midi Garaash ahaa.

Qaar ka mid ah dadka ku nool deegaanka suuqa xoolaha ayaa BBC-da u sheegey in dagaalku ahaa mid culus oo wakhti yar socdey.

Waxa wararku sheegayaan in duulaanka dagaalkan ay qaadeen Maleeshiyooyinka Maxkamadaha Islaamiga.

Dadkii ku dhaawacmey dagaalka Arabacadii ayaa qaarkood la geeyey Isbitaalka Madiina oo iminka halkaas lagu daweenayaa.

Dagaaldan Muqdisho ee kala go'i weysana yaan bilowdey bishii Fabruary ee sanadkan, ka dib markii lagu dhawaaqey ururka cusub ee la baxey La dagaalanka Aragagixisada iyo nabad soo celinta.

Guddoomiyaha Baarlamanka

Guddoomiyaha Baarlamanka dowladda Federaalka ee KMG ah, Shariif Xasan Sh. Aden ayaa labada dhinac ee Muqdisho ku dagaalamaya ugu baaqey iney dagaalka joojiyaan.

Shariif Xasan waxa uu baaqiisa ku yiri "qof maanta dagaal ciil u qaba anigu rintii ma aqaan...ninkastaa oo dagaalka wada waxa aan leenahey dagaalka jooji walaalow."