|
|
 |
Sabti, 08.11.2003 - 07:13 Wakhtiga London
|
Mareykanka oo aan Charles Taylor cafinin
Warar la isla dhexmarayo ayaa sheegaya in Mareykanku uu laba malyuun siinaya qofkii soo qabta Charles Taylor. |
Warar la isla dhexmarayo ayaa sheegaya in Mareykanku uu laba milyan oo doolar abaalgud u bixin doono soo qabashada Charles Taylor, arintaas oo keentey in la adkeeyo ammaanka xarunta uu Taylor deganyahay.
Todobaadkan Madaxweyne Bush waxa uu saxiisey sharci siinaya dolwaddiisa lacag dhan 87 iyo bar bilyan oo doolar oo loogu talagaley hawlgalada Ciraaq iyo Afghanistan.
Sida uu qirayo cinwaanka sharcigaasi, lacagtaas waxa loogu talagaley hawlaha deg dega ah ee la xiriira ammaanka iyo dib u dhiska labadaas waddan iyo 'ujeedooyin kale'.
Qeybtaas lagu sharxey 'ujeedooyin kale' ayaa soo jiidatey foojigmnaanta dadka jooga Afrikada Galbeed ee ka fog Mareykanka.
Qodobka sharciga ku dhex dehsoon, laakiin si cad loo bayaamiyey ayaa ah qeybta sheegeysa in laba milyan oo abaal guda ah la siinayo cidda soo qabata qof horey dambi loogaga soo oogey maxkamadda dambiyada dagaalka ee Sierra Leone.
Shaki kama taagno ayuu yiri ninka faaladani soo qorey in hadalkan loola jeedo Madexweynihii hore ee Liberia, Charles Taylor, oo Nigeria ku tagey masaafiris qeyb ka ahaa hesiiskii lagu soo afjarey dagaalkii sokeeye ee Liberia.
Mr Taylor waxa lagu soo oogey inuu dambiyo ku saabsan xuquuqda aadamaha oo ku xiriira iska horimaadyadii ka dhacey dalka ay dersika yihiin Liberia ee Sierra Leon.
Dad badan ayaa ictiqaadsanaa in mar haddii Mr Taylor bannaanka looga saaro Liberia arintu halkaas ku dhammaaneyso. Laakiin sida uu caddeenayo qudobkan lagu lifaaqey sharciga Ciraaq iyo Afghanistan waxa muuqata in Mareykanku aanu ilaabin Charles Taylor.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
