|
|
 |
Jimce, 19.09.2003 - 07:55 Wakhtiga London
|
Mareykanka oo askar kale looga diley Ciraaq
Askarta Mareykanka waxa gaadmada lugu diley iyagoo baaraya meel lagu tuhunsanyahay in hub lagu qarinayo |
Weerar gaadmo ah ayaa shaley saddex askarta Mareykanka ah lagu dilay iyadoo ay weerarkaas ku dhaawacmeen laba kale meel ku dhow magaalada Tikrit ee ku taal woqooyiga Ciraaq.
Miletriga Mareykanka ayaa sheegey in ay soo foolsaartey weeraro badan oo lagu qaadayo ciidamadooda iyadoo xeeladaha lagula kacayana ay yihiin kuwa khibrad iyo ilbaxnimo sare leh.
Todobaatan iyo lix Marerykan ah ayaa lagu dilay Ciraaq ilaa intii ka dambeysey 1dii bishii May ee sanadkan, markii uu Bush sheegay in dagaalkii weynaa ee Ciraaq uu dhammaadey.
Saraakiisha Mareykanku waxa ay ka fikirayaan in ay dhimaan ciidamada ka jooga magaalooyinka Ciraaq oo markaa ay ilaalinta waddanka ku wareejiyaan askar maxaliya oo waddanka u dhalatey.
Necybka Mareykanku waxa uu ku badan yahay bartamaha waddanka Ciraaq, iyadoo magaalooyinka qaarna ay dadku si buuxda uga aamin bixeen.
Ciidamada Mareykanka walwal ayaa haya oo xoog aad u badan ayeey isticmaalaan markii ay dareemaan in la soo weerarey.
Mararka qaarna waxa dhaca in hubka ay furaan ay ku dhintaan dad reyd ah taasoo ka careysiisa bulshada oo kor u sii qaadda cadowtooyada loo qabo askarta Mareykanka.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
