|
|
 |
Axad, 14.09.2003 - 05:49 Wakhtiga London
|
Waddamada waaweyn oon weli Ciraaq ku heshiin
Qodobada sida weyn looga hadley waxa ka mid ah sidii Ciraaqiyiinta dib loogu celin lahaa madaxbannaanidooda. |
Wadahadalada Geneva ee looga hadlayey mustaqbalka Ciraaq ma dhalinin natiijooyinka ay dad badani rajeenayeen.
Rabshadaha iyo daganaasha la'aanta guud ee ka jirta Ciraaq ayaa wadahadaladan siiyey muhimad gaar ah. QM waxa ay dooneysaa heshiis deg deg loo gaaro oo gacan ka geysta in xasilooni lagu soo dabbaalo Ciraaq, islamarkaana abuura qaab-dhismeed awoodda shicibka reer Ciraaq gacantooda loogu celsho.
Laakiin ka dib markii la yeeshey afar saacadood oo wada hadallo ah, waxa iska cad inaan weli aan la gaarin ra'yi guud oo la isku raacsanyahay, taasoo gaarsiisey Kofi Annan inuu la rafto fasiraadda ujeedooyinka shirku uu ahaa gabi ahaanba.
Waxa uu Annan yiri, " wadahadalada maanta loogama dan laha, waan ku celinayaa ee loogama dan laha in la hindiso in lala yimaaddo xal gaar ah, ee waxa aan u shirney inaan la nimaadno fikrado wax ka tara dhisidda ra'yi guud oo la isku raacsan yahay oo ku aaddan mustaqbalka Ciraaq, kuwaas oo ay ku jiraan buu yiri doorka ay QM ku yeelaneyso Ciraaq. Laakiin su'aasha ku saabsan inta ay leekeeneyso weyninka doorka QM lagama hadlin.
Intii shirka Geneva abaabulkiisa lagu jirey waxa uu Wasiirka Arimaha Dibadda ee France uu soo jeedshey in bil gudaheed Ciraaq loogu dhiso dowlad ku meel gaar ah, arinkaas oo Xogahayaha Arimaha Dibadda ee Mareykanku uu ku sheegey dhalanteed.
Markii dambe ee shirka la guda galey waxa uu Colin Powell yiri "si dhab ah ayaa u qaadanayaa dhmmaan faalooyinka aan ka helay saaxiibadeyda ku jira Golaha Ammaanka. Wuxuu yiri Powell, waa qasdiga Mareykanka in mar walba la dhageysto aaraa'da dadka kale soo qadimaan iyadoo annaguna aan ra'yigeenna u bandhigno kuwa kale.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
