|
|
 |
Khamiis, 11.09.2003 - 06:00 Wakhtiga London
|
Al-Jazeera oo soo deysey sawiradii Bin Laden
Bin Laden kama aanu hadlin Video-gan cusub ee laga soo duubey. |
Telefeshanka Carbeed ee Al-Jazeera ayaa soo daayey Video cusub oo xambaarsan muuqaalka Osama Bin Laden iyo ku xigeenkiisa Ayman al-Zawahiri.
Al-Jazeera oo saldhigiisu yahay Qatar ayaa sheegey in Videogan cusub loo maleenayo in laga soo qabtey Bin Laden bishii April ama May ee sanadkan, isagoo jooga "meelo buuraley ah oo aan la aqoonin".
Sawirka Televeshanka ka soo baxay waxa garabsaocdey hadal aan la soo deynin ninka hadlayey muuqaalkiisa, laakiin laba cajil oo kale oo maqal kaliya ah ayeey al-Jazeera soo deysey, kuwaas oo ay sheegtey iney ka heshey Bin Laden iyo ku xigeenkiisa oo bogaadiyey qaraxii 11 September loo geestey Mareykanka, isla markaana dadka reer Ciraaq ugu baaqey iney dhulkooda qabuure uga dhigaan Mareykanka.
Meeshii la doono ha lgu duubo filinkan cusub ee laga soo qaadey Bin Laden war xun ayuu u yahay reer galbeedka, gaar ahaan Mareykanka iyo Britain, iyadoo uu akhbaar wabnaagsan u noqonayo taageerayaasha al-Qaeda.
Videogani waa sawiraddii ugu horeeyey ee Bin Laden laga soo qabto tan iyo Decembertii 2001-da, laba bilood ka dib wakhtigii qaraxyadii September la geestey.
Videogan cusub waxa uu tusmeenayaa in Ben Laden iyo ku Xigeenkiisu Dr Ayman al-Zahrawi ay labaduba xoogaha da' ka muuqato, laakiin ineyba weli noolyihiin oo aan lahaynin ayaa waxa ay Bush ku tahay xasuus dhib badan oo tusmeeneysa in dagaalkii uu argagixisada ku qaadey laba sano ka hor uu wel qabyo yahay.
Vieoga al-Jazeera sawirada ay xaley sii deysey oo loo arkey iney ahaayeen labada hogaamiye ee al-Qaeda oo socda meel buuraley ah ayaa la maleenayaa in buurahaas ay ku yaallaan Afghanistan ama Pakistan. Khubarada al-Jazeera lagu wareystey ayaa sheegey in Video-gaas la duubey xiligii guga ee sandkan.
Waxa dadka oo dhan ka yaabineysa ayuu yiri qofka faaldan soo qorey, haddii uu Bin Laden uuba sugey wakhti dheer si uu u soo jeediyo war kan la mid ah, muxuu isagu uga hadli waayey cajilaka Videoga ah shkhsiyan? Waxa ay u egtahay in iminka aan lahaynin jawabta su'aashaas.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
