|
|
 |
Sabti, 05.07.2003 - 17:57 Wakhtiga London
|
Shirka Soomaalida Mpagathi oo heshiis laga gaaray
|
Wararka naga soo gaaraya madasha shirka dib u heshiisiinta Soomaalida ee Mbagathi ayaa sheegaya in heshiis laga gaaray qodobadii dastuurka ku saabsanaa ee baryanba dooda kulul ay ka socotay.
Warku waxaa uu intaa ku darayaa in wafuuda shirka ka qeybgaleysa in ay ansixiyeen qodobo ay ka mid yihiin: In tirada baarlamaanka ku meelgaarku ay noqoto seddex boqol iyo konton iyo kow xubnood. Isla markaasna in xidhibaanada ay soo magacaabaan saxiixayaasha seddex iyo labaatanka gaaraya, kuwaas oo loola jeedo hogaamiyeyaasha kooxaha kala gedisan oo la tashanaya odayaasha dhaqanka.
Waxaa kale oo lagu heshiiyey in mudadda dowladda ku meel gaarka ah ay noqoto afar sanadood. Iyo in sidoo kale la qaato nidaamka federaaliga ah.
Go'aankan ayaa la gaaray, kadib markii guddoomiyaha shirka, Bethwel Kiplagat uu shirka ka hor aqriyay qodobadaas uuna isla markiiba codsaday in qodobadaas la ansixiyo. Taasoo isla markiiba qeylo iyo sacab lagu ansixiyay.
Ergooyinkii shirka ka qeyb galayay qaar ka mid sida ururada bulshada rayidka, ayaa waxay BBC-da u sheegeen in loo diiday in ay cod ka dhiibtaan qodobada la soo hordhigay, iyadoo isla markaana lagu dhaqmay si aan nidaamka waafaqsaneyd, sidaasna waxaa BBC-da u sheegay Jeneral Jaamac Maxamed Qaalib.
Sidoo kale dowladda Ku meel gaarka ah, ayaa iyaduna waxay muujisay in aysan raali ka aheyn sida go'aanka loo gudoomiyay, haddana ay ka shirayaan waxa ay ka yeelayaan, iyagoo intaa raaciyay in ay war ka soo saari doonaan arrintan.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
