|
|
 |
Arbaca, 25.06.2003 - 18:25 Wakhtiga London
|
Cabdiqaasim Salaad Xassan oo la kulmay Kiplagat
A/qaasim Salaad Hassan |
Mohamed Adde - Nairobi
Madaxweynaha Dowaladda Ku meel gaarka ah ee Soomaaliya, Cabdiqaasim Salaad Xassan ayaa waxaa uu shir galabta ku la yeeshay Hotelka uu degan yahay ee Grand Regent, masuuliyiinta ka kala socoda dowladdaha daneynayey shirka Soomaalida iyo kuwa deeqda bixiya oo ay ku jiraan Mareykanka, Yurub, Talyaaniga iyo Jaamacada Carabta iyo Midowga Afrika.
Waxaa Madaxweynuhu si cad ugu sheegay masuuliyiintaas, in dowladda ku meel gaarku ay taageersan tahay aragtida ay soo jeediyeen beesha Caalamka, isla markaana ay dowladda ku meelgaarku ku dhaqaaqeyso sidii arrimaha ay dhankeeda uga fulin lahaayeen .
Madaxweyne Cabdiqaasim Salaad xassan ayaa waxaa kale oo uu la kulmay Bethwell Kipligaat, waxuuna u sheegay mowqifka dowladda KMG-ka ah ee rasmi ee arrimaha la isu mari la'yahay. Madaxweynuhu waxaa uu sheegay in tirada barlamaanka laga dhigo 250, qabiilna lagu qeybsado.
Waxaa uu intaa raaciyay 361da ergda ah ee hadda shirka joogaa in aan yaga laga dhex dooran xubnaha baarlamaanka, isla mar ahaantaana aysan dooran xubnaha baaramaanka.Haddii ay taasi dhacdana in dowladda KMG-ku aysan shirka ka qeyb qaadaneyn.
Madaxweyne Cabdiqaasim waxaa uu marka kale ku eedeeyey dowladda Ethiopia in ay qas ka dhex wado shirka dib u heshiisiinta Soomaalida, oo ay ka shaqeyneyso sidii uu shirkaasi ku fashilmi lahaa.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
