|
|
 |
Talaado, 17.06.2003 - 11:04 Wakhtiga London
|
Cabdiqaasim oo booqasho ku tegay Kenya
Cabdiqaasim oo salaamaya dadweyne ku soo dhaweeyay garoonks Nairobi |
Yusuf Hassan - BBCSomali.com
Saaka ayaa waxaa booqasho rasmi ah ku tegay magaalada Nairobi ee dalka Kenya, Madaxweynaha Dowladda Ku Meel Gaarka ah ee Soomaaliya iyo wafdi la socda.
Cabdiqaasim Salaad xassan ayaa waxaa ku soo dhaweeyey garoonka diyaaradaha ee Jomo Kenyattta Wasiirka Arrimaha Dibadda Kenya, Kalonzo Musyoka iyo masuuliyeen kale.
Waxaana sidoo kale garoonka ku soo dhaweeyey madaxweynaha dad weyne Soomaaliyeed oo soo qaatey basas gaar ah iyo masuuliyiin golahayaasha dowladda Ku meel gaarka ah oo ay horkacayaan Ra'iisal wasaare, Xassan Abshir iyo ku xigeenkiisa Cusmaan Kaluun iyio Godoomiye ku xigeenka Kowaad ee Barlmaamka Maxamed Cabdi Yusuf.
Cabdiqaasi ayaa soo dhaweynta ka dib waxaa uu si toosa loogu qaadey aqalka madaxtooyada dalka Kenya, halkaas oo uu kulan gaar ah uu la yeesheey Madaxweyne Dalka Kenya, Mway Kibaki.
Madaxwyne Cabdiqaasi shir jiraa'id oo uu qabtey kulanka ka dib, ayaa waxaa uu ku sheegey in ay ka wadahadleen madaxweynaha Kenya xiriirka labada wadan, arrimaha Geeska Afrika iyo sida looga hortagi lahaa la dagaalanka argagixisada iyo sida uu u guuleysan lahaa shirka Soomaalida iyo kan Sudaan ee hadda ka socoda Kenya.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
