|
|
 |
Jimce, 04.04.2003 - 04:45 Wakhtiga London
|
'Maraykanka oo qabsadey' garoonka dayuuradaha ee Baqdaad
Ciidamada Mareykanku waxa ay sheegteen in ay bartamaha Baqdaad u jiraan masaafo aan ka badneyn 12 Mayl. |
Hogaamiye ciidan oo Mareykan ah ayaa sheegey in ciidamada Mareykanku ay si buuxda gacanta ugu hayaan Garoonka Dayuuradaha Caalamiga ee Baqdaad.
Hogaamiyaha bataaliyanka labaad , Gaashaanle Dhexe Scott Rutter ayaa sheegey habeenkii uu Jimcuhu soo galayey ay cutubyada 3aad ee ciidamada dhulku ay gacanta ku dhigeen Garoonka Dayuuradaha.
Ciidamada Mareykanku waxa ay sheegeen in ilaa 320 ka mid ah askarta Ciraaq lagu dilay dagaalka ka dhacay Garoonka Dayuuradaha, dagaalkaas oo socdey ilaa aroornimadii Jimcaha.
Dowladda Saddam Hussein wey beeneysey in garoonka dayuuradaha la qabsadey, waxa ay sheegtey in ciidamada Isbahaysigu ay 100 Mayl u jiraan caasimadda Baqdaad.
Wariyaha BBC-da, Paul Wood ee jooga Baqdaad ayaa soo sheegaya in dagaalkii Baqdaad uu dhab ahaan bilowdey.
Ka dib markii bambaanooyin xoog leh lala dhacay Baqdaad ayaa dagaalkii dhulka ee u horeeyey uu duleedka Baqdaad ka bilowdey habeenimadii Khamiista.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
