|
|
 |
Talaado, 25.03.2003 - 09:58 Wakhtiga London
|
Ciidamada Isbahaysiga oo ku dow Baqdaad
Ciidamada British-ka ee jooga duleedka Basra oo haatan go'aansadey in ay galaan magaalada |
Ciidamada Isbayasiga ayaa bilaabey in ay weeraraan gudaha cududda dowladda Saddam Hussein, waxana weerarkan loo arkaa in uu yahay marxalad cusub oo adag oo dagaalka Ciraaq uu galey.
Ka dib markii shan maalmood oo isku xigta Baqdaad dusha laga garaacayey, ayeey Helicopterarada quryuhu ku rakibanyihiin iyo dayuuradaha dagaalku ay bilaabeen in si gaar ah ay u beegsadaan goobaha Baqdaad ka baxsan ee ay deganyihiin Ciidamada ugu adag waddnaka Ciraaq ee Ilaalada Janhuuriga.
Ra'iisalwasaaraha Britain, Tony Blair ayaa sheegey iskahorimaatinka ciidamada Gaashaanbuurta iyo Cutbyada Madina ee Ilaalada Jamhuuriga ee la filayo in uu ka dhaco duleedka Baqdaad uu noqon doono wakhtiga "ugu muhiimsan" ololahan.
Si kastaba ha ahaatee, saraakiisha ciidamadu waxa ay ka walaacsanyihiin in dabeylo gobolka oo dhan laga saadaalinayo ay horjoogsato horo socodkooda.
Hogaamiyaha ciidamada Mareykanka, General Tommy Franks ayaa sheegey in ciidamadiisa ay Baqdaad uga horsantahay masaafo ka yar 100 Km.
Sida uu soo sheegey wariyaha BBC-da, Andrew North, ciidan badan oo Mareykan ah ayaa iyaguna maray magaalada Nasiriya oo ku taal dariiqa loo sii maro Baqdaad.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
