|
|
 |
Talaado, 18.03.2003 - 04:43 Wakhtiga London
|
Bush: ' Saddam waa inuu Ciraaq ka baxo'
George Bush ayaa askarta Ciraaq ku booriyey in ay is-dhiibaan |
Madaxweynaha Mareykanka George W Bush ayaa Saddam Hussein u qabtey 48 saac in uu Ciraaq kaga baxo, haddii uu amarkaas qaadan waayana uu dagaal la kulmo.
Hadal uu Mr Bush uu Telefeshanka uga jeedshay dadka Mareykanka habeenkii Talaadadu soo galeysey ayuu ku sheegey in la gaarey wakhtigii Ciraaq laga tirtiri lahaa "tobannaan sano oo khayaamo iyo cadowtinimo ah".
Waxa uu Bush yiri" Saddam Hussein iyo wiilkiisa waa in ay Ciraaq uga baxaan muddo 48 saac gudahood".
Waxa uu Bush intaas ku darey "Haddii ay diidaan in ay waddanka iskaga baxaan, taasi natiijadeedu waxa ay noqon doontaa in aan qaadno tallaabo miletri taas oo bilaabmi doonta wakhtiga aan annagu xulanno."
Waxa haatan Gacanka Carbeed jooga askar Mareykan oo gaareysa 250,000 oo askari oo ay weheliyaan ciidamo kale oo ka kala socda waddamada Britain iyo Australia.
Kaligii taliyaha Ciraaq dhakso ayaa loo weyn doonaa 
| | Madaxweyne Bush |
Mr Bush waxa uu sheegey in Mareykanku uu sharci u leeyahay in uu naftiisa difaaco, waxana uu ku digey in hubka Ciraaq ay argagixisadu kula dagaalami karto Mareykanka, argagixisdaas oo ay ku jiraan xubnaha shabakada al-Qaeda ee Osama Bin Laden.
Hadalkaas uu Bush ka jeedshey Aqalka Cad ayuu ku sheegey in "Khatartu ay muuqato".
Waxa kale uu Bush yiri "Iyagoo gacan ka helaya Ciraaq ayeey argagixisadu maalin maalmaha ka mid ah isticmaali karaan hubka Bioloojikada ama Kiimikada ama xataa hubka Nuclear-ka, markaas oo ay fulinayaan riyadoodii ahayd in ay waddankeenna ku dilaan kumannaan ama boqollaal kun oo dad aan wax galabsan ah."
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
