Nagala Soo Xirir | In English

Laanta Soomaaliga Waxbarashada Baro Ingiriisika Taarikhda Nagala Soo Xirir Warsidaha BBC In English Barnaamijyada Mawjadaha 11:00 GMT 14:00 GMT 18:00 GMT		Jimce, 10.01.2003 - 10:11 Wakhtiga London Heshiis dhexmaray duqow ka tirsan Bay Farxiyo Cali Qaajo - Muqdisho Waxaa Khamiistii heshiis aan hore loo sii filaynin uu dhex maray duqeyda degmada Buur-Hakaba iyo masuuliyiin ka socotay magaalada Baydhabo. Heshiiskan oo muddo ku kooban labo maalmood laga shaqeynayey ayey labada dhinac subaxnimadii Khamiista isugu yimaadeen degmada Buur Hakaba dhexdeeda, iyadoo dhinaca masuuliyiinta Baydhabo ay hoggaaminayeen Maxamed Ibraahim Xaabsade iyo Aadan Sooransoor, kuwaasoo labo bas iyo ilaa afar baabuur oo kuwa dagaalka ah ku tegay magaalada Buur Hakaba. Sida uu sheegay Xoghayaha Arrimaha Gudaha ee RRA-da, Adan Sooransoor, waxa uu heshiiskan ka dambeeyey wada hadal ay xagga nabadda uga wada hadlayeen labada dhinac sidii loo baajin lahaa dhiig dambe oo ay iska daadiyaan dadka reer Digil iyo Mirifle. Aadan Sooransoor oo ay BBC-du la xiriirtay waxa uu sheegay in haatan ay soo gebagabowday colaaddii ka oggnayd gobolkaasi, iyadoo qodobbada heshiiska lagu gaarayna ay ka mid yihiin in aanay dib dambe u dhicin cid-cid kale ku duusha, in dadka reer Buur Hakaba ay u madax bannaanaadaan maamulka degmadooda, iyadoo laga billaabo Maanyafuulka ilaa Qardho oo ah halka kala wareegga loo bixiyey ee tuulada Leego ku dhow ay ciidamada deegaanka Buur Hakaba maamuli doonaan. Heshiiskani waxa uu meesha ka saarayaa gacan ku hayntii Colonel Shaarguduud ee degmada Buur Hakaba iyo nawaaxigeeda, iyadoo aananna wax war ah oo ku saabsan heshiiskan laga haynin dhinaciisa. Intii aanu heshiiskani dhicin waxa uu dagaal kooban labada dhinac ku dhex maray tuulada Maanyafuulka oo ilaa 25km dhinaca Koofur ka xigta magaalada Baydhabo, halkaasoo ay ku dhinteen ugu yaraan afar nin ilaa saddex kalena ay ku dhaawacmeen. Dadka ku dhintay dagaalkaasi waxaa ku jiray Cali Yoonis oo ahaa ninkii hoggaaminayey maleeshiyadii dhinaca Shaarguduud ee lagu beddelay Cabdullaahi Yariisow oo isagu hore ugu dhintay fal burcadnimo ah oo ay wadeen maleeshiyooyin madax bannaan dabayaaqadii sannadkii hore. Heshiiskan Khamiistii ka dhacay degmada Buur Hakaba oo ay duqeyda saxiixday ee reer Buur Hakaba ay ka mid ahaayeen Ugaas Guudow Caliyow, Ugaas Ciise Amiin, Ugaas Maxamed Nuur Dibi, Maxamed Sheekh Xasan iyo kuwo kaleba waxa uu siyaasad ahaan dhabar jab weyn ku yahay dhinaca Colonel Shaarguud oo ay muuqato in awooddii uu gobolka ku lahaa ay si weyn u wiiqantay.		Warar maqal ah Barnaamijyada Wararka iyo Arrimaha Taagan / Baafinta / Waraysiyo Barnaamijkii 14:00 Wararka iyo Arrimaha Taagan Barnaamijkii 18:00 Wararka ugu Waaweeyn Weeraro lagu qaadey agagaarka Baqdaad Iran oo Nuclear lagu waayey China iyo Mareykan oo heshiis ganacsi galay Xarunta Talyaaniga Nasiriyah oo la qarxiyay Ma ogtahay in Boggan BBCSomali.com maanta lagu bedalayo mid cusub? Iran oo sheegtey iney heysato Plutonium yar Iran oo sheegtey iney heysato Plutonium yar Ma ogtahay in Boggan BBCSomali.com maanta lagu bedalayo mid cusub? Taariikh nololeedkii Cabdiraxman Tuur oo geeriyoodey Siyaasadda dalka Sri Lanka oo cakiran Somalia:deganaasho ku soo laabatey Tuulada Xaramka Falstiin oo ka shireysa dhismo dowladeed Mareykanka oo aan Charles Taylor cafinin Nin ka mid ah ergeda Soomaalida oo Nairobi ku dhintey Xaaladda Xuquuqda Aadamaha ee Masar NAGALA SOO XIRIIR Email: somali@bbc.co.uk Qoraalka Noo soo Dir: BBC Somali Service, 116 CB Bush House, PO Box 76, Strand, London, WC2B 4PH Tel: + 44 020 7557 1631 Fax:+ 44 020 7497 1374

	^^Kor igu celi
	Laanta Soomaaliga
	Laanta Soomaaliga | Waxbarashada | Baro Ingiriiska | Taarikhda Nagala Soo Xirir | Barnaamijyada | Mawjadaha
	© BBC World Service, Bush House, Strand, London WC2B 4PH, UK.