|
|
 |
Sabti, 07.12.2002 - 11:46 Wakhtiga London
|
Deeq-bixiyayaasha oo ka caga jiidaya Ethiopia
Roobabkii ayaa yaraad, sidaas darteed Ethiopia kaalmo ayeey u baahan tahay haatan |
Sarkaal sare oo ka tirsan Qaramada Midoobay ayaa digniin ku baxshay in adduunka ay haatan la gudboon tahay in ay wax ka qabtaan mashaakilka cunta la'aaneed ee Ethiopia ay u keeneen abaaruhu.
Agaasimaha Sare ee hey'adda Unicef, Carol Bellamy oo haatan ka soo noqotay meelaha ay abaartu sida xun ugu dhifatay ayaa ka digtay khatarta ay leedahay caga jiidka ay deeq-bixiyayaashu ka caga jiidayaan in mashaakilka Ethiopia ay degdeg uga jawaab celshaan. Waxa ay Bellamy tiri waxa waajib ah in adduunku aanu sugin in dadka reer Ethiopia ay gaajo u dhintaan.
Maalinta Sabtida ah ayuu Rasiisal Wasaaraha Ethiopia, Meles Zenawi uu adduunka weydiisan doonaa cunta gargaar ah oo gaaraysa 1.4 malyuun oo tan oo ay u baahn yihiin 11 malyuun oo qof oo kaliya.
Waxa uu Meles uu u sheegay BBC-da in durba Bangiga Adduunku u ballan qaaday kaalma gaaraysa 100 malyuun oo doolar, laakiin taas la isticmaali doono oo kaliya haddii deeq-bixiyayaashu ay codsigan cusub ay ka soo jawaabi waayaan.
Qaramada Midoobay ayaa sheegtay in ay Ethiopia ay hayaan cunta ku simaysa ilaa horaanta sanadka cusub, laakiin loo baahan yahay wixii dadku quudan lahaa inta ka hartay sanadka 2003da.
Baahida
Wariyaha BBC-da Martin Plaut oo ku dhex safray Ethiopia ayaa sheegay in Ms Bellamy ay si weyn uga damqatay waxyaabihii ay ku aragtay Woqooyi Bari Ethiopia markii dhawaanta ay soo aragtay.
Ms Bellamy waxa ay sheegtay in dhulkaasi abaari xaalufisay xoolihiina ay dhimanayaan mirihiina ay qalaleen.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
