|
|
 |
Khamiis, 21.11.2002 - 13:37 Wakhtiga London
|
Cudur laga soo sheegay xoolaha Soomaaliya
|
Ururka Cuntada iyo Beeraha ee Qaramada Midoobay ee FAO, ayaa ka digay in cudurka xoolaha ku dhaca ee daba-ka-ruubka oo ka dilaacay dalka Soomaaliya uu haatan halis ku hayo goobihii cudurkaasi laga tirtiray.
Cudurka daba ka ruubka oo ka mid ah xanuunada ugu ba'an ee ku dhaca lo'da, ayaa lagu xakameeyay aag keliya oo ka tirsan Koonfurta dalka Soomaaliya iyo Waqooyiga dalka Kenya, laakiin hay'adda FAO, waxaa ay sheegtay in ay ka warwarsan tahay warar dhawaan soo baxay oo sheegaya in dadka ganacsatada ah ee gobolkaasi ay diyaarinayaan in ay lo' u dhoofiyaan wadamada Indonisia iyo Malaysia.
Waxaana ay sheegeen in ay arrintani keentay cabsi laga qabo in uu Virus-ka cudurka uu dib uga dilaaco koonfurta Bari ee qaaradda Asia, qaybtaasi oo caalamka ka tirsan oo cudurkaasi aan lagu arkin muddo ka badan konton sanadood.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
